میں پاکستان سےعمرہ کے لیے جا رہا ہوں، کیا میں دورانِ سفر روزہ رکھوں یا نہیں؟
اگر سفر کے دوران روزہ رکھنے کی سہولت ہے، دشواری نہیں ہے تو روزہ رکھ لینا بہتر ہے، اور اگر روزہ رکھنے میں مشقت اور دشواری ہے تو اس صورت میں روزہ چھوڑنے کی اجازت ہے اور بعد میں اس کی قضاکی جائے گی۔یاد رہے کہ شرعی طور پر اس شخص کے لیے سفر میں روزہ چھوڑنے کی اجازت ہے جو صبح صادق کے وقت سفر میں ہو اور اگر کوئی شخص صبح صادق کے وقت سفر میں نہ ہو اس کے لیے روزہ چھوڑناجائز نہیں اگرچہ دن میں اس کا سفر میں جانےکاارادہ ہو۔فقط واللہ اعلم
فتوی نمبر : 143909200540
دارالافتاء : جامعہ علوم اسلامیہ علامہ محمد یوسف بنوری ٹاؤن