روزے کی حالت میں کلی کرنا کیسا ہے؟
روزے میں وضو کے دوران کلی کرنا درست ہے اور غسل جنابت میں فرض ہے، وضو اور غسل کے بغیر صرف گرمی کی وجہ سے کلی کرنا بھی جائز ہے، اس سے روزہ فاسد نہیں ہوتا، البتہ اگر کلی کرتے ہوئے غلطی سےایک قطرہ پانی بھی حلق سے نیچے اتر گیا اور روزہ بھی یاد تھا تو روزہ فاسد ہوگیا، اس کی قضاواجب ہے، کفارہ واجب نہیں، لیکن اگر کلی کے دوران روزہ یاد نہیں تھا تو روزہ فاسد نہیں ہوگا۔فقط واللہ اعلم
فتوی نمبر : 143909200467
دارالافتاء : جامعہ علوم اسلامیہ علامہ محمد یوسف بنوری ٹاؤن