سماعِ درود پر سماعِ درود کاثواب ملتاہےیانہیں؟ اگر ملتاہے تو سماعِ درود اور سماعِ تلاوتِ قرآنِ پاک میں کیافرق ہے؟
سماعِ قرآن کریم پر اجروثواب کا احادیث میں ذکر ملتا ہے کہ محض سننے کی صورت میں بھی ایک حرف پر ایک نیکی ملتی ہے. (فضائل ذکر) اس لیے یہ منصوص ہے، درود کے سماع پر اجروثواب کے متعلق کوئی نص مستحضر نہیں، البتہ ایک نیک عمل ہونے کی بنا پر اجر کی امید کی جاسکتی ہے، اس پہلو سے دونوں کے سامع میں منصوص وغیرمنصوص کا فرق ہوا. واللہ اعلم
فتوی نمبر : 143703200012
دارالافتاء : جامعہ علوم اسلامیہ علامہ محمد یوسف بنوری ٹاؤن