سوال

تراویح پڑھانے کے عوض ختم قرآن کی رات جو  ہدایا ملتے ہیں حافظ کے لیے ان کا لینا جائز ہے؟

جواب

تراویح کی نماز میں قرآن مجید سنا کر اجرت لینا اور لوگوں کے لیے اجرت دینا جائز نہیں، لینے اور دینے والے دونوں گناہ گار ہوں گے، تاہم اگر قرآن مجید سنانے والے کو رمضان المبارک کے لیے نائب امام بنا دیا جائے اور اس کے ذمہ ایک یا دو نمازیں سپرد کردی جائیں اور رمضان کے آخر میں تنخواہ کے نام پر کچھ دیا جائے تو جائز ہوگا۔

 اگر بلاتعیین کچھ دے دیا جائے اور نہ دینے پر شکوہ یا شکایت نہ ہو تو یہ صورت اجرت میں داخل نہیں ہے۔فقط واللہ اعلم