میں نے اپنے بیٹے کانام "محمدحسین" رکھا ہے؛ کیوں کہ یہ ہمارے نبی ﷺکے نواسے کا نام تھا،مجھے کسی نے کہاکہ اتنا بڑا(بھاری)نام نہیں رکھنا چاہیے۔ آپ برائے مہربانی مجھے بتائیں کہ یہی ٹھیک ہے یا تبدیل کردیں؟
''حسین''سرکارِ دوعالم ﷺ کے محبوب نواسے کااسم گرامی ہے،صحابہ کرام علیہم الرضوان اور انبیاءِ عظام علیہم الصلوات والتسلیمات کے ناموں میں سے کوئی نام منتخب کرکے رکھنا باعثِ سعادت اور برکت ہے؛ اس لیے مذکورہ منتخب نام ہی بہتراور افضل ہے، اسے تبدیل کرنے کی ضرورت نہیں۔''حسین ''نام سے متعلق یہ نظریہ رکھنا کہ "یہ بھاری نام ہے، لہذا تبدیل کردیاجائے" درست نہیں ہے۔فقط واللہ اعلم
فتوی نمبر : 143909202348
دارالافتاء : جامعہ علوم اسلامیہ علامہ محمد یوسف بنوری ٹاؤن