بِسْمِ اللَّهِ الرَّحْمَنِ الرَّحِيم

17 رمضان 1445ھ 28 مارچ 2024 ء

دارالافتاء

 

بچہ کی ولادت مغرب کے بعد ہونے کی صورت میں عقیقہ کے دن کا حساب


سوال

نومولود کی ولادت بعد المغرب ہو  تو عقیقہ کا حساب آنے والے دن سے ہوگا؟

جواب

عقیقہ کے دنوں میں دن سے مراد شرعی دن ہے،  اور شرعی دن صبح صادق سے غروبِ آفتاب تک ہوتا ہے، اور ہر  رات، آنے والے دن میں شامل ہے، اس اعتبار سے سورج غروب ہونے کے بعد بچہ پیدا ہوا تو آنے والا بعد کا دن اس کی ولادت کا دن شمار ہوگا۔

  لہذا صورتِ مسئولہ میں  اگر بچہ کی ولادت مغرب کے بعد ہوئی ہے تو اگلے ہفتہ اس سے پہلے والا دن اس کا ساتواں دن ہوگا، مثلاً اگر بچہ کی ولادت  جمعہ کے دن سورج غروب ہونے کے بعد ہوئی ہے  تو وہ رات ہفتے کی رات شمار ہوگی، اور اس بچہ کی ولادت کا دن ہفتہ کا دن کہلائے گا، اور آئندہ  جمعہ کا دن  اس کا ساتواں دن شمار ہوگا، اس میں عقیقہ کرنا مستحب ہوگا۔ فقط واللہ اعلم


فتوی نمبر : 144010200223

دارالافتاء : جامعہ علوم اسلامیہ علامہ محمد یوسف بنوری ٹاؤن



تلاش

سوال پوچھیں

اگر آپ کا مطلوبہ سوال موجود نہیں تو اپنا سوال پوچھنے کے لیے نیچے کلک کریں، سوال بھیجنے کے بعد جواب کا انتظار کریں۔ سوالات کی کثرت کی وجہ سے کبھی جواب دینے میں پندرہ بیس دن کا وقت بھی لگ جاتا ہے۔

سوال پوچھیں