سوال

ماہ رمضان میں مفطر بلاعذر کو کھاناکھلانےیا پانی پلانے کاکیا حکم ہے؟

جواب

جو مکلف شخص رمضان المبارک  میں بلا عذر روزہ ترک کردےوہ سخت گناہ گار ہے،ایسے شخص کو  روزہ کے اوقات میں کھلانا یا پلانا گناہ کے کام پر تعاون ہے جوکہ ناجائز اور حرام ہے۔

ارشاد باری تعالی ہے؛

﴿ وَلَا تَعَاوَنُوْا عَلَى الْإِثْمِ وَالْعُدْوَانِ وَاتَّقُوا اللَّهَ إِنَّ اللَّهَ شَدِيدُ الْعِقَابِ ﴾ [المائدة: 2]

ترجمہ: اور گناہ  اور زیادتی میں  ایک  دوسرے  کی اعانت مت کرو ، اور اللہ تعالیٰ سے ڈرا کرو ، بلاشبہ  اللہ تعالیٰ  سخت سزا دینے والے ہیں۔ (از بیان القرآن)۔ فقط واللہ اعلم