بِسْمِ اللَّهِ الرَّحْمَنِ الرَّحِيم

18 رمضان 1445ھ 29 مارچ 2024 ء

دارالافتاء

 

امام نے آیتِ سجدہ پر سجدہ کرنے کے بعد کھڑے ہوکر سورہ فاتحہ پڑھ لی تو کیا سجدہ سہو واجب ہوگا؟


سوال

ایک شخص نے آیتِ سجدہ پڑھی اور  سجدہ کرکے  جب تلاوت کے لیے کھڑا ہوا  تب دوبارہ غلطی سے سورہ فاتحہ تلاوت کرنا شروع کر دیا۔  پوچھنا ہے کیا سورہ فاتحہ پوری یا دو چار آیت پڑھنے سے سجدہ سہو واجب ہوگا ؟

جواب

واضح رہے کہ فرائض کی پہلی دو رکعات اور سنن و نوافل کی ہر رکعت میں سورہ فاتحہ ایک مرتبہ پڑھنا واجب ہے، اگر کوئی سہواً سورہ فاتحہ ایک سے زائد مرتبہ تسلسل سے  پڑھ لے تو تکرارِ واجب کی وجہ سجدہ سہو واجب ہوتا ہے، البتہ اگر فرض کی پہلی دو رکعات یا تراویح  کی کسی رکعت میں سورہ فاتحہ کے بعد بقدرِ واجب قراءت کرنے کے بعد سورہ فاتحہ مکرر پڑھ لی تو سجدہ سہو واجب نہیں ہوتا، لہذا صورتِ مسئولہ آیتِ سجدہ پر سجدہ کرنے کے بعد کھڑے ہوکر دوبارہ سورتِ فاتحہ پڑھنے کی وجہ سے سجدہ سہو واجب نہ ہوگا، جیساکہ فتاوی ہندیہ میں ہے:

"وَلَوْ كَرَّرَهَا فِي الْأُولَيَيْنِ يَجِبُ عَلَيْهِ سُجُودُ السَّهْوِ بِخِلَافِ مَا لَوْ أَعَادَهَا بَعْدَ السُّورَةِ أَوْ كَرَّرَهَا فِي الْأُخْرَيَيْنِ، كَذَا فِي التَّبْيِينِ". (الْبَابُ الثَّانِي عَشَرَ فِي سُجُودِ السَّهْوِ، ١/ ١٢٦) فقط واللہ اعلم


فتوی نمبر : 144008201476

دارالافتاء : جامعہ علوم اسلامیہ علامہ محمد یوسف بنوری ٹاؤن



تلاش

سوال پوچھیں

اگر آپ کا مطلوبہ سوال موجود نہیں تو اپنا سوال پوچھنے کے لیے نیچے کلک کریں، سوال بھیجنے کے بعد جواب کا انتظار کریں۔ سوالات کی کثرت کی وجہ سے کبھی جواب دینے میں پندرہ بیس دن کا وقت بھی لگ جاتا ہے۔

سوال پوچھیں