بچہ کی ولادت روکنے کے لیے آپریشن کروانا کیسا ہے؟
واضح رہے کہ عورت کی صحت کی خرابی یا کسی اور ضرورت شدیدہ کی وجہ سے بیوی کی اجازت سے عارضی طور پر حمل سے بچنے کے اسباب اختیار کرنے کی اجازت دی گئی ہے، البتہ مستقل طور پر نس بندی یا بچہ دانی نکلوانے کو نا جائز و حرام قرار دیا ہے، لہذا صورتِ مسئولہ ولادت یا حمل کی صلاحیت مستقل طور پر ختم کرانے کے لیے آپریشن کرانا شرعاً جائز نہیں۔ فقط واللہ اعلم
فتوی نمبر : 144004200839
دارالافتاء : جامعہ علوم اسلامیہ علامہ محمد یوسف بنوری ٹاؤن