جامعہ علوم اسلامیہ
urdu arabic english

ٹرسٹی شعبے

شفاخانہ(ڈسپنسری)

جامعہ کی طرف سے طلبہ ،اساتذہ اور دیگر عملہ کے لیے علاج معالجہ کا معقول انتظام ہے ،جامعہ کے احاطہ میں دو شفاخانے موجود ہیں ،جن میں سے ایک عام کلینک ہے جس میں جنرل فزیشن بیٹھتے ہیں اور دوسرا ڈینٹل کلینک ہے جہاں ڈینٹل سرجن بیٹھتے ہیں، دواؤں کا انتظام جامعہ ہی سے کیا جاتاہے،اس کے علاوہ بوقت ضرورت طلبہ کو جامعہ کی طرف سے مختلف امراض کے ماہر ڈاکٹر اور اطباء کے پاس بھی ہسپتال یا کلینک میں بھیجاجاتاہے جہاں ان کے امراض کی تشخیص ،علاج اور مناسب نگہداشت کا انتظام ہوتا ہے۔

علامہ بنوری ٹرسٹ

جامعہ کی زیر سرپرستی یہ شعبہ کام کررہا ہے جو مساجد ومدارس کے الحاق ورجسٹریشن میں تعاون کرتا ہے ، اس وقت تک کئی ہزار مساجد ومدارس علامہ بنوری ٹرسٹ سے ملحق ہوچکے ہیں ،اس کے علاوہ جامعہ کی وقف پراپرٹی سے متعلق امور کی بجاآوری بھی اس شعبے کی ذمہ داری ہے ،نیز علامہ بنوری ٹرسٹ مساجدومدارس کے انتظامی وانصرامی معاملات میں اہل محلہ اور کمیٹی کے مابین حسب ضرورت مشاورت ، تصفیہ اور تحکیم کی خدمات بھی انجام دیتا ہے، ان تمام امور کی نگرانی جامعہ کے اساتذہٴ حدیث پر مشتمل سہ رکنی کمیٹی کرتی ہے ۔