بِسْمِ اللَّهِ الرَّحْمَنِ الرَّحِيم

13 شوال 1440ھ- 17 جون 2019 ء

بینات

 
 

شبِ معراج کی تعیین اور مخصوص عبادات کا حکم


شبِ معراج کی تعیین اور مخصوص عبادات کا حکم

 

کیا فرماتے ہیں مفتیانِ کرام اس مسئلہ کے بارے میں کہ:

کیا شبِ معراج ۲۷؍رجب کو ہے؟ اور کیا اس رات کی کوئی خاص عبادت ہوتی ہے؟ اگر ہوتی ہے تو وہ کیا ہے؟ تفصیلی جواب سے نوازیں۔ شکریہ                             مستفتی:محمد قاسم

الجواب حامدًا ومصلیًا
 

   واضح رہے کہ حتمی طور پر یہ بات طے نہیں ہے کہ معراج کس مہینہ اور کس شب میں پیش آئی۔ اپنی طرف سے متعین کرکے کسی رات کو شبِ معراج قرار دینا درست نہیں ہے۔
    نیز اس شب میں خصوصیت سے کوئی الگ نماز یا عبادت کسی صحیح حدیث سے ثابت نہیں اور خصوصیت کے ساتھ اس رات میں عبادت کا اہتمام کرنا اور لوگوں کو ترغیب دینا درست نہیں۔
    لہٰذا صورتِ مسؤلہ میں ۲۷ رجب کو حتمی طور پر شب ِمعراج کہنا درست نہیں، بلکہ شبِ معراج کے بارے میں چند اقوال منقول ہیں:
    بعض نے ۱۲ ربیع الاول، بعض نے ۱۷ ربیع الاول، بعض نے ۲۷ ربیع الاول، بعض نے ۱۷ ربیع الآخر، بعض نے ۲۷ ربیع الآخر، بعض نے ۲۷ رجب، بعض نے ۱۷ رمضان، بعض نے ۲۷ رمضان اور بعض نے ۲۷ شوال کو شبِ معراج قرار دیا ہے۔
    ان اقوالِ کثیرہ میں سے کسی تاریخ کے لیے کوئی وجۂ ترجیح نہیں، چنانچہ حافظ ابن کثیرؒ فرماتے ہیں:
’’وقد اختار الحافظ عبد الغني بن سرور المقدسي فی سیرتہٖ أن الإسراء کان لیلۃ السابع والعشرین من رجب وقد أورد حدیثًا لایصح سندہٗ ، ذکرناہ فی فضائل شہر رجب۔‘‘                                  (البدایۃ والنہایۃ، ج:۳،ص:۱۰۹)
    اسی طرح اس رات میں کوئی خاص عبادت بھی مشروع نہیں۔ اس رات کو عبادت کی رات سمجھنا اور ا س رات میں عبادت کا کوئی خاص طریقہ متعین کرنا اور اُسے مسنون سمجھنا شریعت کے مطابق نہیں، اس سے اجتناب کرنا چاہیے۔ مواہبِ لدنیہ مع شرح زرقانی میں ہے:
’’(وأما لیلۃ الإسراء فلم یأت فی أرجحیۃ العمل فیہا حدیث صحیح) أراد بہ ما یشمل الحسن بدلیل قولہ (ولاضعیف ولذٰلک لم یعینہا النبي صلی اللّٰہ علیہ وسلم لأصحابہٖ ولاعینہا أحدمن الصحابۃؓ بإسناد صحیح ولاصح إلی الآن ولا) یصح (إلٰی أن تقوم الساعۃ فیہا شیء) لأنہٗ إذا لم یصح من أول الزمان لزم أن لایصح فی بقیتہٖ لعدم إمکان تجدد واحد عادۃً یطلع علی ذٰلک بعد الزمن الطویل، وہٰذا لایشکل علیہ ما قیل: إنہٗ کان لیلۃ سبع عشرۃ أو سبع وعشرین خلت من شہر ربیع الأول أو بسبع وعشرین من رمضان أو من ربیع الآخر أو من رجب، واختیر، وعلیہ العمل لأن ابن النقاش لم ینف الخلاف فیہا من أصلہ وإنما نفی تعیین لیلۃ بخصوصہا للإسراء وإنہا أصح (ومن قال فیہا شیئًا فإنما قال من کیسہ) أی من عند نفسہٖ دون استناد لنص یعتمد علیہ (لمرجع ظہرلہ استانس بہ) لما جزم بہ (ولہٰذا) أی عدم اتیان شیء فیہا (تصادمت الأقوال فیہا وتباینت ولم یثبت الأمر فیہا علٰی شیء ولو تعلق بہا نفع للأمۃ ولو ذرۃ) أي شیئًا قلیلا جدا (لبینہٗ لہم نبیُہم صلی اللّٰہ علیہ وسلم) لأنہٗ حریص علٰی نفعہم۔‘‘ (زرقانی علی المواہب، ج:۸، ص:۱۸، دارالکتب العلمیۃ)                                                       فقط واللہ تعالیٰ اعلم
                                                                                                                                                                                                                                                                                                                                                                                                                                                                    الجواب صحیح                 الجواب صحیح                                           کتبہ
                                                                                                                                                                                                                                                                                                                                                                                                                                                              ابوبکرسعید الرحمن       محمد انعام الحق                              مدثر احمد صدیقی
                                                                                                                                                                                                                                                                                                                                                                                                                                                                                                                                                                                      تخصصِ فقہِ اسلامی 
                                                                                                                                                                                                                                                                                                                                                                                                                                                                                                                                                                جامعہ علومِ اسلامیہ علامہ بنوری ٹاؤن کراچی

تلاشں

شکریہ

آپ کا پیغام موصول ہوگیا ہے. ہم آپ سے جلد ہی رابطہ کرلیں گے

ہماری ایپلی کیشن ڈاؤن لوڈ کرنے کے لئے