بِسْمِ اللَّهِ الرَّحْمَنِ الرَّحِيم

- 17 اکتوبر 2019 ء

بینات

 
 

سیٹ پر بیٹھ کر فرض نماز ادا کرنا!

سیٹ پر بیٹھ کر فرض نماز ادا کرنا!


کیا فرماتے ہیں مفتیانِ کرام اس مسئلہ کے بارے میں کہ:
کیا چلتی گاڑی ، بس وغیرہ کی سیٹ پر فرض نماز بیٹھ کر ادا کی جاسکتی ہے؟ جس کا رخ بھی قبلہ کی جانب ہو اور سجدہ بھی سیٹ پر کیا جاسکتاہو، جب کہ نماز کا وقت بھی تنگ ہو اور ا س طرح نہ پڑھنے کی صورت میں نماز کا وقت بھی ختم ہوجاتا ہو؟ جواب سے ممنون فرمائیں۔ شکریہ         مستفتی:محمد جاوید

الجواب باسمہٖ تعالٰی

صورتِ مسئولہ میں اصل حکم یہی ہے کہ سواری روک کر اُترکر باقاعدہ فرض نماز کی ادائیگی کی جائے،اگر عملاً ایسا کرنا ممکن نہ ہو اور آگے کسی اسٹاپ پر اُترکر وقت کے اندر اندر نماز پڑھنے کا موقع ملنا بھی ممکن نہ ہو تو پھر چلتی ہوئی بس یا گاڑی وغیرہ میں قبلہ رُخ ہوکر سیٹ پر بیٹھے ہوئے فرض نماز ادا کرلی جائے اور سفر تمام ہونے پر یا دورانِ سفر مناسب مقام اور وقت میں حالتِ سفر میں پڑھی گئی نماز کا اعادہ بھی کرلیا جائے۔فتاویٰ شامی میں ہے:
’’(صلی الفرض في فلک) جاز (قاعدًا بلاعذر صح) لغلبتہ العجز (وأساء) وقالا لایصح إلا بعذر وہو الأظہر (قولہ قاعدًا) أي یرکع ویسجد … (قولہ أساء) أشار إلٰی أن القیام أفضل الخ (شامي، ص:۱۰۱، ج:۲) ثم الشرط (ہي) ستۃ … (ومنہا القیام فی فرض لقادر علیہ) وعلی السجود۔‘‘ (ص:۴۲۷و ۴۴۴، ج:۱) مزید ملاحظہ ہو (امداد الفتاویٰ، باب صلاۃ المسافر، ص:۴۶۰، ج:۱)                                                                                                                                                                                                                                                                                                                                                                                                                                                                                               فقط واللہ اعلم
                                                                                       الجواب صحیح                                                الجواب صحیح                                              الجواب صحیح                                                                   کتبہ
                                                                              ابوبکرسعید الرحمن                                            محمد انعام الحق                                     محمد شفیق عارف                                                 محمد انس انور
                                                                                                                                                                                                                                                                                                        دار الافتاء جامعہ علوم اسلامیہ علامہ بنوری ٹاؤن کراچی

تلاشں

شکریہ

آپ کا پیغام موصول ہوگیا ہے. ہم آپ سے جلد ہی رابطہ کرلیں گے

ہماری ایپلی کیشن ڈاؤن لوڈ کرنے کے لئے