بِسْمِ اللَّهِ الرَّحْمَنِ الرَّحِيم

5 ربیع الثانی 1440ھ- 13 دسمبر 2018 ء

بینات

 
 

جلد کی پیوندکاری کا حکم!

جلد کی پیوندکاری کا حکم!


کیا فرماتے ہیں مفتیانِ کرام درج ذیل مسئلہ کے بارے میں کہ:

جلد کی پیوندکاری (Skin Grafting) کا کیا حکم ہے؟ جبکہ جلد:
۱:-خود مبتلابہ مریض کی ہو۔
۲:-کسی دوسرے زندہ انسان کی ہو۔
۳:-کسی میت (Cadaver) سے قطع کی جائے۔
۴:- کسی حلال جانور کی ہو۔
۵:-کسی حرام جانور کی ہو۔
۶:- نیز جلد کے بینک قائم کرنے کا کیا حکم ہوگا؟ جبکہ ’’بنوک الدم‘‘ کی طرح کسی پیش آمدہ حادثہ میں جلد کی سرجری بھی ناگزیر ہوجاتی ہے۔
کیا ایسے بینک قائم کرنے کے جواز پر اِن قواعد سے استدلال درست ہوگا: ’’الحاجۃ تنزل منزلۃ الضرورۃ‘‘ ، ’’ الاضطرار المتوقع ینزل منزلۃَ الاضطرار الواقع‘‘ ، ( وجود مثل ہٰذہ البنوک وسیلۃ لتحقیق أمر مباح و) ’’ الوسائل لہا حکم المقاصد‘‘ ؟
                                                                                                                                                                                                                                                                                                                                                                                                                                                                                                                                                                                                                         مدلل اور مفصل جواب عنایت فرماکر ممنون فرمائیں۔                  مستفتی:عبد اللہ، کراچی

الجواب حامدًا ومصلیًا

۱:… مریض کی اپنی جلد ایک جگہ سے دوسری جگہ لگائی جاسکتی ہے، لیکن اس کے لیے چونکہ آپریشن (چیرپھاڑ) ضرورت پڑتی ہے، اس لیے آپریشن کی شرائط کا خیال رکھنا ضروری ہے۔
الف:- کسی ماہر طبیب نے آپریشن کے ذریعہ صحت یابی کی رائے دی کہ ظن غالب یہ ہے کہ اس سے مریض صحیح ہوجائے گا۔
ب:-علاج کے لیے آپریشن کے علاوہ کوئی اس سے آسان طریقہ نہ ہو۔
ج:-مریض‘ عاقل وبالغ ہو اور اس کی رضامندی بھی ہو، اگر عاقل وبالغ نہیں تو ولی کی اجازت ہو۔
د:-ڈاکٹر ضرورت سے زائد قطع وبرید نہ کرتا ہو۔
ھ:- آپریشن کی ضرورت ہو یا اس سے مقصود کوئی معتدبہ غرض ہو، مثلاً: کسی جسمانی نقص کا ازالہ مقصود ہو، محض فیشن مقصد نہ ہو۔’’بدائع الصنائع‘‘ میں ہے:
’’لو سقط سنہ یکرہ أن یأخذ من میت فیشدہا مکان الأولٰی بالإجماع، وکذا یکرہ أن یعید تلک السن الساقطۃ مکانہا عند أبی حنیفۃؒ ومحمدؒ ولٰکن یأخذ سن شاۃ زکیۃ فیشدہا مکانہا وقال أبو یوسفؒ : لابأس بسنہٖ ویکرہ سن غیرہٖ۔‘‘                                                 (کتاب الاستحسان، ج:۵،ص:۱۳۲،ط:سعید)
وفیہ ایضاً:
’’إن استعمال جزء منفصل عن غیرہٖ من بنی آدم إہانۃ بذٰلک الغیر والآدمي بجمیع أجزائہٖ مکرم ولا إہانۃ فی استعمال جزء نفسہٖ فی الإعادۃ إلٰی مکانہٖ۔‘‘                                                  (کتاب الاستحسان، ج:۵،ص:۱۳۳،ط:سعید)
۲،۳:… کسی زندہ یا مردہ انسان کی جلدیا دوسرے اعضاء کی قطع وبرید خواہ علاج معالجہ کے لیے ہو یا کسی اور غرض کے لیے، اضطراری حالت ہو یا غیر اضطراری، بہر صورت ناجائز اور حرام ہے۔ ’’شرح سیر الکبیر‘‘ میں ہے:
’’والآدمي محترم بعد موتہٖ علٰی ماکان علیہ فی حیاتہٖ فکما لایجوز التداوي بشئ من الآدمي إکرامًا لہٗ فکذا لایجوز التداوي بعظم المیت ، قال رسول اللّٰہ صلی اللّٰہ علیہ وسلم: کسر عظم المیت ککسر عظم الحي۔‘‘                          (شرح سیر الکبیر،باب دواء الجراحۃ،ج:۱،ص:۱۲۸)
فتاویٰ عالمگیری میں ہے:
’’الانتفاء بأجزاء الآدمي لم یجز ، قیل: للنجاسۃ، وقیل: للکرامۃ ، ہو الصحیح، کذا فی جواہر الأخلاطي۔‘‘   (کتاب الکراہیۃ، الباب الثامن عشر، ج:۵،ص:۳۵۴، ط:ماجدیہ)
’’فتح القدیر‘‘ میں ہے:
’’وحرمۃ الانتفاع بأجزاء الآدمي لکرامتہٖ (ہدایۃ) وفی العنایۃ لئلایتجاسر الناس علی من  کرم اللّٰہ بابتذال أجزائہٖ۔‘‘  (کتاب الطہارۃ،ج: ۱،ص:۸۲،دار احیاء التراث العربی)
’’فتاویٰ خانیہ‘‘ میں ہے:
’’مضطر لم یجد میتۃ وخاف الہلاک، فقال لہٗ رجل: اقطع یدی وکلہا أو قال: اقطع منی قطعۃ وکلہا لایسعہٗ أن یفعل ذٰلک ولایصح أمرہٗ بہٖ کما لایسع للمضطر أن یقطع قطعۃ من لحم نفسہٖ فیأکل۔‘‘         (کتاب الکراہیۃ،ج: ۳،ص:۴۰۴،ط:ماجدیۃ)
’’شرح سیر الکبیر‘‘ میں ہے:
’’روي عن أبی أمامۃ بن سہل بن حنیف أن النبي صلی اللّٰہ علیہ وسلم داوی وجہہٗ یوم أحد … وہٰذا لأن العظم لایتنجس بالموت علی أصلنا لأنہٗ لاحیاۃ فیہ إلا أن یکون عظم الإنسان أو عظم الخنزیر ، فإنہ یکرہ التداوي بہٖ لأن الخنزیر نجس العین فعظمہٗ نجس کلحمہٖ لایجوز الانتفاع بہٖ بحال والآدمي محترم بعد موتہٖ علٰی ما کان علیہ فی حیاتہٖ فکما لایجوز التداوي بشئ من الآدمي الحي إکرامًا لہٗ فکذٰلک لایجوز التداوي بعظم المیت، قال رسول اللّٰہ صلی اللّٰہ علیہ وسلم: کسر عظم المیت ککسر عظم الحي۔‘‘  (باب دواء الجراحۃ،ج:۱،ص:۱۲۷،۱۲۸)
’’فتاویٰ عالمگیری‘‘ میں ہے:
’’التداوي والمعالجات… والانتفاع بأجزاء الآدمي لم یجز  للنجاسۃ، وقیل: للکرامۃ ، ہو الصحیح۔‘‘                   (کتاب الکراہیۃ،ج:۵،ص:۳۵۴،ط:ماجدیۃ)
’’فتاویٰ قاضی خان‘‘ میں ہے:
’’رجل برجلہٖ جراحۃ ، قالوا: یکرہ لہٗ أن یعالج بعظم الإنسان والخنزیر، لأنہٗ یحرم الانتفاع۔‘‘            (خانیۃ علی ہامش الہندیۃ، کتاب الکراہیۃ، ج:۵،ص:۱۳۳،ط:ماجدیۃ)
’’بدائع الصنائع‘‘ میں ہے:
’’لو سقط سنہٗ یکرہ أن یأخذ من میت فیشدہا مکان الأولٰی بالإجماع۔‘‘                                             (کتاب الاستحسان، ج:۵،ص:۱۳۳،ط:سعید)
۴:…حلال جانوروں اور دیگر اعضاء جب کہ وہ مذبوحہ ہوں پاک ہیں، ہر حالت میں اس کا لگانا جائز ہے۔ اگر مردار ہو تو ناپاک اجزاء کا استعمال کرنا عام حالات میں ناجائز ہے، البتہ ضرورت کے موقع پر جائز ہے۔’’بدائع الصنائع‘‘ میں ہے:
’’لوسقط سنہٗ یکرہ أن یأخذ من میت فیشدہا… ولٰکن یأخذ سن شاۃ زکیۃ فیشدہا مکانہا۔‘‘                            (کتاب الاستحسان،ج:۵،ص:۱۳۲،ط:سعید)
۵:…ناپاک اور حرام جانوروں کی جلد کی پیوندکاری اضطرار اور شدید مجبوری کی حالت میں جائز ہے، عام حالات میں ناجائز وحرام ہے، اضطراری حالت یہ ہے کہ اگر مریض پیوندکاری نہیں کرتا تو ہلاکتِ نفس یا ہلاکتِ عضو یا قریب الہلاک ہو جائے گا، ایسی نازک حالت میں ناپاک اور حرام جانوروں کی جلد کا استعمال جائز ہوگا۔’’الاشباہ والنظائر‘‘ میں ہے:
’’الضرورۃ تبیح المحظورات ومن ثم جاز أکل المیتۃ عند المخمصۃ وإساغۃ اللقمۃ بالخمر۔‘‘           (الفن الاول تحت القاعدۃ الخامسۃ،ج:۱،ص:۸۷،ط:قدیمی کتب خانہ)
’’فتاویٰ عالمگیری‘‘ میں ہے:
’’ویجوز للعلیل شرب الدم والبول، وأکل المیتۃ للتداوي إذا أخبرہٗ طبیب مسلم إن شفائَ ہٗ فیہ ولم یجد من المباح ما یقوم مقامہٗ ، وإن قال الطبیب: شفاء ک فیہ وجہان۔‘‘ (کتاب الکراہیۃ، الباب الثامن عشر، ج:۵،ص:۳۵۵،ط:ماجدیۃ)
’’شرح مجلہ‘‘ میں ہے:
’’ثم ہٰذہ الرخصۃ ثلٰثۃ أنواع: نوع ہو مباح کأکل المیتۃ والدم ولحم الخنزیر وشرب الخمر عند المجاعۃ أوالغصۃ أوالعطش أو عند الإکراہ التام بقتل أو قطع عضو، فہٰذہ الأشیاء تباح عند الاضطرار، لقولہٖ تعالٰی {إلا ما اضطررتم إلیہ } أی دعتکم شدۃ المجاعۃ إلٰی أکلہا والاستثناء من التحریم إباحۃ۔‘‘      (شرح المجلۃ لخالد الاتاسی، ج:۱، ص:۵۵، المادۃ:۲۱، ط:مکتبۃ رشدیۃ)
 (ماخوذ از انسانی اعضاء کی پیوندکاری اور اس کے شرعی احکام، مؤلف:حضرت مفتی عبد السلام چاٹگامی دامت برکاتہم)
۶:… اوپر ذکر کردہ چوتھی صورت کے بینک قائم کرنا جائز ہے، جبکہ دیگر ناجائز صورتوں کے بینک قائم کرنا جائز نہیں۔
                                                                                                                                                                                                                                                                                                                                                                                                                                                                                                                                         الجواب صحیح                                    الجواب صحیح                              الجواب صحیح                                           کتبہ
                                                                                                                                                                                                                                                                                                                                                                                                                                                                                                                                     ابوبکرسعید الرحمن                          محمد انعام الحق                           شعیب عالم                                       محمد مطہر
                                                                                                                                                                                                                                                                                                                                                                                                                                                                                                                                                                                                                                                                                                                                              تخصصِ فقہِ اسلامی
                                                                                                                                                                                                                                                                                                                                                                                                                                                                                                                                                                                                                                                                                                                   جامعہ علوم اسلامیہ علامہ بنوری ٹاؤن کراچی

تلاشں

شکریہ

آپ کا پیغام موصول ہوگیا ہے. ہم آپ سے جلد ہی رابطہ کرلیں گے